Sjukefråvær: Kva treng arbeidstakarar, og kva bør leiarar forstå?

Vi har rekordhøgt sjukefråvær. Kvifor er det slik? Kva treng arbeidstakarane, og kva bør leiarar vera merksame på?

Einar Espolin Johnson, administrerande direktør i Akademikerne Pluss, presenterer funn frå "Akademikerpanelet". Han fortel kvifor dei ser etter løysingar og førebyggande tiltak som kan få ned sjukefråværet blant medlemmane deira.

- Kva kan vi forvente av leiarane?

- Finn vi svar på det høge sjukefråværet i kulturen, kroppen eller hovudet?

- Kva kan gjerast?

Dei tverrfaglege teama ved Rehabiliteringssenteret AiR har 40 års erfaring med å avdekke årsakene bak sjukefråvær og med å finne ut kva som skal til for at kvar enkelt tilsett skal kunne stå i jobb.

Under arrangementet får du møte eit team som svarar på spørsmåla over – og dei spørsmåla du har om sjukefråvær. Bruk denne moglegheita til å hauste av kompetansen til erfarne fagfolk!

Heilt til slutt, som eit konkret døme på kva ein kan gjera for å få ned sjukefråvær, presenterer vi Akademikerne Pluss sitt svar på utfordringa: konseptet "arbeidslivsmestring".

Kom og få innsikt og svar – og konkrete tips du kan ta med deg tilbake til eigen arbeidsplass.