U864 – Miljøtrussel og politisk kamp: Kva skjer utanfor Fedje?

Utanfor Fedje ligg restane av den tyske ubåten U864, senka i 1945 med ei last av kvikksølv og annan farleg materiale. I over tjue år har lokalsamfunnet, fagmiljø og folkevalde kjempa for å få løyst saka – men framleis ligg vraket på havbotnen.

I dette arrangementet vil du få høyre frå personar med ulik bakgrunn, som deler sine perspektiv og vurderingar knytt til ubåten og den vidare handteringa av saka. Me stiller desse spørsmåla:

-Kvifor har det vore så vanskeleg å få gjennomslag?

-Kor står saka no – og kva seier nasjonale politikarar?

-Kven har ansvar for å handle, og kva kan gjerast no?

Me inviterer til både foredrag og debatt om ansvar, handlekraft og miljøtryggleik – i ei av dei mest krevjande, omdiskuterte og langvarige sakane i Nordhordland.